كانت كلمات تدخل إلى قلبي دون استئذان،كانت عبارات رائعة تفوق خيالي وأحلامي
كنت أحلم بها منذ زمن…. أنت الملاك؟!! إذا كنت أنا ملاكاً فأنت عالمي…. أنت وردة!؟
إذا كنت أنا وردة فأنت بستاني.
أنت روحي!؟……..
إذا كنت أنا الروح فأنت شيء يفوق الروح،شيءليس له وجود إلا في خيال طفل صغير
أنت عمري؟!…. فلو كان عمري مئة عام لا يكفيني ،فأنت لست عمري
أنت عدد الدقائق التي قضيتهامن عمري، فما أجملك عندما تقول لي أنت حياتي،.. ماذا أقول؟؟
أنت لست حياتي أنت كل لحظة جميلة عشتها في حياتي، أنت أجمل عبارة نطقتها في حياتي
فما بالك كم كان عدد عباراتي؟
اسمحلي أن أقول ولو جزء بسيط منها فهي لك اسمعها لوحدك
أفلا تدري أنها مستوحاة منك ومن عيناك المليئة بالحنان ومن قلبك الذي لم أعرف مثله قلب
ينبض بكلام لم أسمع مثله من قبل، كل كلمة أقولها في دفتر أو كتاب أدونها في قلبك
لأنه الكتاب الكبير الذي تعلمت منه الحب، تعلمت كيف أكون قوية دائماً لا أستسلم لأحد في حياتي
آسفة حبيبي فقلمي لو كتب صفحات العالم كلها لن تكفي حتى تعبر عن حباًخطه قلبي وليس قلمي
فأنت بعيد وإيحائي من قلبك وليس من عيناك، فعندما أرى عيناك ياتُرى كم ستكون عباراتي جميلة
كلمات
المهمة المستحيلة: اقتناص الدخان
من حكايات ضيعتنا:
—————
الدخان بعد ما بينزرع وبتطلع أوراقو وبينحصد, لازم هالأوراق تتشمس.. لهيك بيجو المزارعين بيعلقو ورق الدخان بشكل مجموعات على خيطان.. وبيستخدمو طبعا الأبرة لتجميع ورق الدخان مع بعض وبيجمعوه على شكل مجموعات.. كل مجموعة عبارة عن شريط طويل من ورق الدخان المتراص.. بيجيبو هالشرايط وبيعلقوها على السطح… هلق بعض المزارعين بيكون أنتاجهم من الدخان وفير لدرجة أنو ما بيقدرو يعلقو جميع ورق الدخان, لهيك بيقوم البعض بفرش سطح البيت بالباقي من ورق الدخان, كبديل عن تعليق الورق…
أقرأ المزيد…
أرسلت فى .العقل زينة | الوسوم:أمور حياتية, الشعب العنيد, ضيعتنا الحلوة
مجموعة من أعمال باولو كويلو
تمت إضافة مجموعة للكاتب باولو كويلو إلى المكتبة.. والمجموعة كما يلي:
- إحدى عشرة دقيقة
- مكتوب ان تتخيل قصة جديدة لحياتك
- لقاء الملائكة
- ساحرة بورتوبيللو
- فيرونيكا تقرر ان تموت
- أنا رجل حر
- الزهير
- رواية الجبل الخامس
- دليل فارس النور
- شجرة سانت مارت
- سر السعادة
- قصة طريقين
- فتيات فالكيري
- لقاء الملائكة
- كالنهر الذي يجري
- مكتوب ان تتخيل قصة جديدة لحياتك
أرسلت فى .العقل زينة | الوسوم:مكتبة, باولو كويلو
مصايب
- ما بينسيك المرا غير المرا
- كيف يعني
- كيف يعني؟!!… يعني ما بينسيك مصيبتك غير مصيبة أعظم
- أهاه!!!
أرسلت فى نسوانيات | الوسوم:حال الدنيا, زوجية
الشعب العنيد 2: الإنتقام
أغبى ما يمكن أن تراه على الإطلاق هو جماهير المعلقين في المواقع الإخبارية….
أي أي… صدق أو عمرك ما تصدق… إنو لدرجة أني كنت مهدد بفقعان المرارة من جراء هالتعليقات اللي ما فينا نسميها غير…… ذكية…. بلا ما نكبر بالحكي…
لك عمي, أنت عم تقرا هالموقع الأخباري… شو ممكن تقرا فيه يعني؟.. لا شعر ولا نثر ولا أي شي أدبي… ومستحيل تمر بحقول ألغام لغوية.. ولا حتى فتيشة لغوية.. إنو أصعب جملة ممكن تمر عليك بتكون من قياس “أكل الولد التفاحة من الشجرة“… مع ذلك بتلاقي جماهير من المعلقين عم ينادو بالحد من قطع الأشجار… مثلا يعني… لك شو علاقة هي بهي… إنو هيك استيعابكون هالأيام؟!!… بهالطريقة؟!!…
أرسلت فى إجتماعيات | الوسوم:أمور حياتية, الشعب العنيد
ندمان ياسيدي!!
أول شي.. وقبل كلشي.. بعتذر عن التقصير الحاصل.. بس…
خلص أنتهينا…. أول مرة بيكون معكون حق, مشولنا ياها
———————
ما بعرف إذا حدا منكم خطرت عبالو هالشغلة من قبل.. مع أني كنت أسمعها دائما وأسبوعيا على مدار شي 15 سنة أقل تقدير, إذا مو ببرنامج الشرطة في خدمة الشعب أكيد بكون سمعتا ببرنامج حكم العدالة“التاريخي“, مع ذلك ما خطرت ع بالي إلا من فترة قريبة..
بتصور إنو العلة مو فينا… العلة بالقضية اللي رح أطرحا.. هية عبارة عن سؤال… سؤال غبي جدا لدرجة إنو صعب الواحد يلاحظو بسهولة…
بتلاقو بهالبرامج والأفلام عموما وتقريبا بآخر عشر دقايق عم ينسئل المجرم سؤال من قبل البطل أو أحد أقرباؤه “إذا كان بيشعر بالأسف عاللي عملو“.. وعلاء الدين بيسأل “أنت ندمان عاللي عملوتو“… طبعا المجرم بيجاوب /بعد القتلة, وياويلو إذا ما جاوب باللي كتبولو ياه/ “ندمان يا سيدي“.. وطبعا بالأفلام بلحظة وحدة بيصير المجرم فيلسوف وبيردحنا جملتين أسف بالعضم يبكو حجار الصوان ودموعو بتشر بعد ما كان طول الفلم مجرم خطير قاسي القلب لا ترتعد له فريصة….
الفكرة رقم 2
أعلم جيدا أن جميعنا يعلم
و أعلم أيضا أن لا أحد ينفذ
أرسلت فى أفكار غوغائية
من أين ينبع التغيير
قبل أن نبدأ النعي والندب بالتغيير الحاصل وآثاره… أي تغيير كان, في الأوضاع, في العلاقات, أو حتى في المشاعر… لا فرق..
قبل التفكير بالطرق الناجعة {والتي نكتشف لاحقا أنها عقيمة} لمواجهة التغيير والعودة إلى نقطة ما قبل التغيير…
قبل هدر البقية الباقية من الطاقات, وقبل السير نحو المزيد من بلل الطين…
قبل كل هذا و ذاك, علينا أن نسأل عن السبب الذي أدى إلى التغيير…
لن نستغرب إن إكتشفنا أننا جزء لا يتجزأ من ذاك السبب.. قد يكون مكمن الخطا فينا أساسا, في الوقت الذي نحاسب فيه غيرنا
أرسلت فى آراء بلا مواقف | الوسوم:فلسفة معتّة, النفس, التغيير
الفكرة رقم واحد
حتى تنحب صديقي,
لازم بالأول تحب…
واضح؟!!!!
أرسلت فى أفكار غوغائية
الغربة
كل انسان مو مبسوط بحياتو بقول هادا نصيبي… بس نحنا يالي منختار وبعدين النصيب بيلعب ،
يعني مثلا لما شخص بيسافر وبيتتغرب وبيتعتر وبيرجع ايد من ورا وايد من قدام هادا بكون نصيبو
بس هو اللي اختار السفر والله سكرها بوجهو بالغربة …………….
وفي تفاوت طبقي كبير بين الناس ،،،،،،،الشباب بيسافرو بيرجعو نص عمرن راح غير الخاطب
اللي خطيبتو ناطرة لك الله يلعن ابو الغربة شو عملت فينا …..
لا ولما بيرجع المغترب بلاقي كلشي عحالو ،،بيستغرب؟ اذا هو نفسو سافر رجع متل ما راح
الفرص هون انظم يعني ؟شو بدو يعمل الواحد حتى يعيش مرتاح؟
بيقعد سنين ناطر الفرصة وحضرتا ما تجي الا وقت اللي بدا (نصيب)
والاحلى او الاضرب بيجي واحد ما بيعرف شي وبقلك شو سافرت ست سبع سنين وآخر شي رجعت بلا شغل ؟
يمكن اللي بعرفن انا من الشباب اللي معلقين شهاداتن عالحيط ما بينعدو …عنجد انا قلبي عالشباب …
يعني البنت اذا ما اشتغلت بقولو عادي المهم تتزوج ,,,,,,بس الشب والله حرام يقعد عالة عاهلو
وخصوصي الخاطب والمتجوز الله يعين اللي ابتلت ….
واذا مشيت بالطريق بتسمع (يا نصيب يا نصيب )لك حتى النصيب صار بينشرا وما معنا نشتريه
وحلّوا بقا
أرسلت فى إجتماعيات | الوسوم:حال الدنيا
« التدوينات الأحدث - Older Posts »
